Jinsi ya Kupata Leseni ya Biashara kwa Duka la Rejareja, Leseni ya biashara ni ruhusa rasmi inayokupa mamlaka ya kuendesha biashara hapa Tanzania. Inatolewa na mamlaka husika chini ya Sheria ya Leseni ya Biashara Na. 25 ya mwaka 1972, pamoja na marekebisho yake.
Ikiwa hauna leseni, unaweza kupata usumbufu, faini au hata kufungiwa biashara yako. Kwa hiyo, ni muhimu sana kuwa na kibali hiki kabla hujaanza kufanya biashara yoyote halali.
Aina za Leseni za Biashara
Leseni za biashara zimegawanyika katika makundi mawili:
1. Leseni Kundi A
Hizi ni kwa biashara kubwa kama:
- Uuzaji wa bidhaa nje ya nchi
- Mawasiliano (TCRA)
- Bandari na vilabu vya usiku
- Bima, utalii, benki, maduka ya kubadilisha fedha
Zinapatikana kupitia Wakala wa Usajili wa Biashara na Leseni (BRELA).
2. Leseni Kundi B
Hizi ni kwa biashara ndogo na za kati kama:
- Migahawa na hoteli
- Vyama vya ushirika
- Maduka ya rejareja
- Udalali, ushauri wa kitaalamu, nk.
Zinatolewa na Afisa Biashara wa Halmashauri yako ya mtaa.
Mambo Muhimu Yanayotakiwa Kuonekana Katika Leseni
- Namba ya leseni
- Aina ya biashara
- TIN (Namba ya Mlipa Kodi)
- Jina la biashara au kampuni
- Mahali ilipo biashara
- Ada iliyolipwa na ushahidi wake
- Sahihi ya mtoaji na muhuri wa mamlaka husika
Vigezo vya Jinsi ya Kupata Leseni ya Biashara kwa Duka la Rejareja
Hivi ni vitu muhimu unavyotakiwa kuwa navyo:
✅ Fomu ya maombi ya leseni
✅ TIN kutoka TRA
✅ Cheti cha usajili wa kampuni (ikiwa ni kampuni)
✅ Mkataba wa pango (kama umeweka biashara sehemu ya kupangisha)
✅ Tax Clearance Certificate
✅ Vyeti vya kitaalamu kama biashara ni ya huduma maalum
Mfano:
- TBS kwa chakula
- EWURA kwa mafuta
- TMDA kwa dawa
- TCRA kwa mawasiliano
- Vyeti vya kitaaluma kwa madaktari, wahandisi, wanasheria, nk.
Namna ya Kulipia Leseni
Malipo ya ada yanafanyika kwa njia ya mfumo rasmi unaoitwa Local Government Revenue Collection System. Haulipi tena kwa mkono. Afisa Biashara atakuandalia “bill”, kisha unaenda benki kulipa kiasi kilichoonyeshwa.
Kiasi cha Ada ya Leseni
Ada hutegemea:
- Aina ya biashara
- Mahali biashara ilipo (halmashauri ya wilaya, mji, manispaa au jiji)
Haitegemei kiasi cha mtaji kama wengi wanavyofikiri.
Muda wa Matumizi ya Leseni
Leseni ya biashara hudumu kwa mwaka mmoja kuanzia siku ilipotolewa. Inapaswa kufanyiwa upya kila mwaka.
Faida ya Kuwa na Leseni ya Biashara
🛡️ Unakuwa salama kisheria
🏦 Inakusaidia kufungua akaunti ya biashara benki
💰 Unaruhusiwa kukopa kwa taasisi za fedha
🚫 Unaepuka kufungiwa au kutozwa faini
📈 Unachangia pato la taifa
Masharti Muhimu ya Leseni ya Biashara
- Usimweke mnunuzi masharti yasiyo ya haki
- Toa risiti kwa kila mauzo
- Uzingatie sheria husika za biashara
- Usiuze bidhaa zisizokidhi viwango
- Leseni inaweza kufutwa ukikiuka masharti au kuipata kwa njia za udanganyifu
Neno la Mwisho: Chukua Hatua Leo!
Usingoje mpaka matatizo yakukute. Kama unafanya au unapanga kufanya biashara ya duka la rejareja, hakikisha unapata leseni ya biashara mapema. Nenda kwenye halmashauri yako au BRELA kutegemea aina ya biashara yako, jaza fomu, ambatanisha nyaraka zako, na ulipie ada.
👉 Chukua hatua leo — biashara yako inastahili kuwa halali na salama.
Mapendekezo: Jinsi ya kupata TIN Namba ya Biashara Online
Be the first to comment