Nafasi za kazi Afisa Mizani TANROADS April 2025

Nafasi za kazi Afisa Mizani TANROADS, WAKALA WA BARABARA TANZANIA (TANROADS) ni taasisi ya Serikali yenye jukumu la kutunza na kuendeleza barabara kuu katika Tanzania Bara. Pia inasimamia miundombinu ya barabara katika mikoa.

Meneja wa Mkoa wa TANROADS Pwani, kwa niaba ya Mtendaji Mkuu wa TANROADS, anakaribisha maombi kutoka kwa Watanzania wenye sifa na uwezo wa kujaza nafasi za ajira kwa mkataba wa muda maalum (unaoweza kuhuishwa) kama ifuatavyo:

Nafasi: Afisa Mizani – Nafasi 4

Sifa za Kujiunga:
Mwombaji awe na shahada ya kwanza katika moja ya fani zifuatazo: teknolojia, elimu, saikolojia au sifa nyingine zinazolingana kutoka katika taasisi zinazotambulika.

Majukumu ya Kazi:

• Kusimamia magari yenye uzito wa jumla (GVW) unaozidi kilo 3,500 yanayotumia barabara za umma.
• Kuhakikisha kuwa ada za uharibifu wa barabara zinatozwa papo kwa papo endapo gari limezidisha uzito unaokubalika.
• Kuhakikisha kuwa magari yanayozidisha uzito yamefuata masharti ya vibali maalum, na kama hayana vibali hivyo kuagiza yafuate taratibu stahiki.
• Kutoa suluhisho la changamoto mbalimbali zinazojitokeza barabarani.
• Kutathmini utendaji wa mizani kwa ujumla, ikiwa ni pamoja na usalama na ubora wa mizani hiyo.
• Kufanya majukumu mengine yanayohusiana na kazi atakayopewa na msimamizi wake.

Mshahara: Ngazi ya mshahara TRDS 5

Masharti ya Jumla ya Maombi: Nafasi za kazi Afisa Mizani TANROADS

• Mwombaji ni lazima awe Raia wa Tanzania na asiwe na zaidi ya miaka 45.
• Watu wenye ulemavu wanahimizwa sana kuomba na waonyeshe waziwazi katika mfumo wa Sekretarieti ya Ajira kwa Umma.
• Mwombaji atume wasifu (CV) wa sasa ulio na mawasiliano ya kuaminika: anuani ya posta/kodi ya posta, baruapepe na namba za simu.
• Waombaji waambatishe nakala zilizoidhinishwa za vyeti vifuatavyo:
  • Shahada/Stashahada/Vyeti vya mafunzo;
  • Nyaraka za matokeo za Shahada/Stashahada;
  • Vyeti vya Kidato cha Nne (Form IV) na Kidato cha Sita (Form VI);
  • Cheti cha kuzaliwa.

Nyaraka zisizokubalika:

• Slips za matokeo ya Form IV na Form VI;
• Testimonials na matokeo yasiyokamilika (partial transcripts).
• Mwombaji anayefanya kazi serikalini kwa mkataba wa kudumu na unaolipwa pensheni anatakiwa kuonyesha hilo.
• Taja majina ya waamuzi watatu wa kuaminika pamoja na mawasiliano yao sahihi.
• Vyeti vya elimu ya sekondari kutoka taasisi za nje ya nchi vihakikiwe na NECTA.
• Vyeti vya vyuo vikuu vya nje ya nchi vihakikiwe na NACTE.

📅 Mwisho wa kutuma maombi ni tarehe 07 Mei, 2025.

⚠️ Kuwasilisha vyeti vya kughushi au taarifa za uongo kutachukuliwa hatua za kisheria.

✅ Waombaji watakaofaulu hatua ya awali ndio watakaofahamishwa tarehe ya usaili.

Barua ya maombi iliyosainiwa iandikwe kwa Kiswahili au Kiingereza na ipelekwe kwa:

Meneja wa Mkoa
TANROADS
S.L.P. 30150
KIBAHA – PWANI