Viwango Vipya Vya Mishahara Serikalini 2025

Rais wa Jamhuri ya Muungano wa Tanzania, Mhe. Dkt. Samia Suluhu Hassan, ametangaza habari njema kwa watumishi wa umma wote. Kuanzia mwezi Julai 2025, viwango vipya vya mishahara Serikalini vitaanza kutumika rasmi.

Katika hotuba yake wakati wa kilele cha Maadhimisho ya Siku ya Wafanyakazi yaliyofanyika mkoani Singida, Rais Samia amesema kuwa Serikali itaongeza kima cha chini cha mshahara kwa asilimia 35.1. Hii ina maana mshahara wa chini utaongezeka kutoka shilingi 370,000 hadi shilingi 500,000.

Kwa Nini Nyongeza Hii ni Muhimu?

Rais Samia ameeleza kuwa nyongeza hii ni sehemu ya juhudi za Serikali katika kuboresha maisha ya watumishi wa umma. Ameongeza kuwa wafanyakazi wamekuwa nguzo muhimu ya maendeleo ya taifa, na kwamba Serikali itaendelea kuboresha maslahi yao kadri hali ya kiuchumi inavyoruhusu.

Viwango Vipya Vya Mishahara Serikalini 2025 kwa Ufupi

• Kima cha chini cha mshahara zamani: Tsh 370,000
• Kima kipya cha mshahara (Julai 2025): Tsh 500,000
• Asilimia ya ongezeko: 35.1%

Matarajio ya Watumishi wa Umma

Watumishi wengi wa umma wamepokea taarifa hii kwa furaha, wakiamini kwamba nyongeza hii itawasaidia kupambana na kupanda kwa gharama za maisha. Pia ni hatua inayoongeza motisha kazini na kuonyesha kuwa Serikali inatambua juhudi zao.